Aruba 6200F 24G 4SFP+ Switch (JL724A)

Aruba yüksək performanslı müəssisə şəbəkələri üçün nəzərdə tutulmuş idarəolunan (Managed) Layer 3 Ethernet kommutatorudur. Qurğu Quad Core ARM Cortex-A72 prosessoru ilə təchiz olunmuş və 1.8 GHz tezlikdə işləyərək mürəkkəb şəbəkə əməliyyatlarının sürətli və stabil şəkildə icrasını təmin edir. Avadanlıqda 8 GB DDR4 operativ yaddaş və 16 GB eMMC daxili yaddaş mövcuddur ki, bu da geniş konfiqurasiyaların, proqram təminatının və şəbəkə funksiyalarının effektiv idarə edilməsinə imkan yaradır.

Kommutator 24 ədəd 10/100/1000BASE-T Gigabit Ethernet portu və 4 ədəd 1/10G SFP uplink portu ilə təchiz edilmişdir. 128 Gbps switching capacity göstəricisi yüksək məlumat ötürmə qabiliyyətini təmin edərək böyük həcmli şəbəkə trafiki üçün optimal performans yaradır. Qurğu həm mis kabel, həm də fiber optik bağlantıları dəstəkləyərək çevik şəbəkə arxitekturasının qurulmasına imkan verir.

Aruba kommutatoru USB-C Console, OOBM (Out-of-Band Management), USB Type-A Host və Bluetooth adapter dəstəyi ilə rahat idarəetmə və monitorinq imkanları təqdim edir. Müasir idarəetmə xüsusiyyətləri, təhlükəsizlik mexanizmləri və yüksək məhsuldarlığı sayəsində məlumat mərkəzləri, müəssisə şəbəkələri, dövlət və korporativ infrastrukturlar üçün ideal həlldir.

Cihazın maksimum enerji sərfiyyatı 230 VAC gərginlikdə 59 W təşkil edir və enerji səmərəliliyi ilə uzunmüddətli stabil işləmə təmin edir.